Amerikalik taniqli afsungar Devid Kopperfild Las-Vegas shahrida (Nevada shtati) rekord summa — 17,55 million dollarga hashamatli uy sotib oldi. Bu haqda “TASS” xabar bermoqda.
Avvalgi rekord 2007-yilda o‘rnatilgan bo‘lib, Las-Vegas shimolidagi uy 17,375 million dollarga sotilgandi.
Kopperfild dang‘illama uyni tibbiy yordam ko‘rsatish va dori-darmon sotishdan boyib ketgan Kevin Xuksdan sotib oldi. Xuks 2005-yilda yer maydonini 2,6 millon dollarga sotib oldi va 2011-yilda qurilish ishlarini bitirdi.
59 yoshli afsungar ko‘plab natijalar bilan Ginnesning Rekordlar kitobiga kirgan. Kopperfild doimiy ravishda Las-Vegasdagi “MGM Grand” kazino-mehmonxonasida chiqishlar qiladi.
Izoh (0)