Adobe kompaniyasi Photoshop CC 2015.15 ga bir necha sezilarli, jumladan, yuz ko‘rinishlarini o‘zgartirish imkonini beruvchi funksiyalar qo‘shadigan yangilangan Creative Cloud platfortmasini chiqardi. Bu haqda Pixland xabar bermoqda.
Photoshop’da Face-Aware Liquify funksiyasi — Liquify (“Plastika”) yangilangan versiyasi paydo bo‘ldi. U tasvirlarda insonlarning qiyofasini avtomatik payqaydi va ularni kompyuter o‘yinlaridagi kabi tahrir qiladi. Masalan, dastur interfeysi yordamida tabassumni o‘nglash, ko‘z joylashuvini o‘zgartirish yoki iyakni uchliroq qilish mumkin.
Photoshop yangi versiyasida tasvirlarning yetishmayotgan qismlarini avtomatik to‘ldiradigan Content-Aware Crop funksiyasi ham paydo bo‘ldi.
Nihoyat fotoredaktor tasvirlardagi shriftlarni tanishni o‘rgandi. U endi tarmoqdagi boshqa shriftlar yoki foydalanuvchi kutubxonasidagi shunga o‘xshash shriftlarni qo‘llashni tavsiya qiladi.
Izoh (0)