Adobe компанияси Photoshop CC 2015.15 га бир неча сезиларли, жумладан, юз кўринишларини ўзгартириш имконини берувчи функциялар қўшадиган янгиланган Creative Cloud платфортмасини чиқарди. Бу ҳақда Pixland хабар бермоқда.
Photoshop’да Face-Aware Liquify функцияси — Liquify («Пластика») янгиланган версияси пайдо бўлди. У тасвирларда инсонларнинг қиёфасини автоматик пайқайди ва уларни компьютер ўйинларидаги каби таҳрир қилади. Масалан, дастур интерфейси ёрдамида табассумни ўнглаш, кўз жойлашувини ўзгартириш ёки иякни учлироқ қилиш мумкин.
Photoshop янги версиясида тасвирларнинг етишмаётган қисмларини автоматик тўлдирадиган Content-Aware Crop функцияси ҳам пайдо бўлди.
Ниҳоят фоторедактор тасвирлардаги шрифтларни танишни ўрганди. У энди тармоқдаги бошқа шрифтлар ёки фойдаланувчи кутубхонасидаги шунга ўхшаш шрифтларни қўллашни тавсия қилади.
Изоҳ (0)