AQShning Vermont shtati senatori, Demokratlar tomonidan praymerizda ishtirok etayotgan Berni Sanders prezidentlik saylovlarida Hillari Klinton nomzodini qo‘llab-quvvatlashga tayyorligini bildirdi. Bu haqda “Kommersant.ru” xabar bermoqda.
NBC muxbirining bu haqdagi savoliga javob berarkan, siyosatchi ishonch bilan “Ha” dedi.
Sandersning aytishicha, asosiy vazifa milliarder Donald Trampning prezidentlik saylovlarida g‘alaba qozonishiga yo‘l qo‘ymaslikdir.
Shu bilan birga, Sanders praymeriz doirasida Klinton xonimga qarshi kurashni davom ettirishini ta’kidlab o‘tdi.