Venesuela prezidenti Nikolas Maduro AQSh davlat kotibining o‘rinbosari Tom Shennon bilan uchrashuvda Vashington bilan aloqani yo‘lga qo‘yishga tayyorligini tasdiqladi, deya xabar bermoqda “Kommersant”.
“AQSh va Venesuela o‘rtasida kechdan ko‘ra, ertaroq asosli kun tartibini ishlab chiqa olishimiz uchun o‘z qiziqishimizni tasdiqladim”, — dedi Maduro. Shu bilan birga, u Venesuela xorijiy hukumatlarning o‘z ichki ishlariga aralashishiga yo‘l qo‘ymasligini ta’kidladi.
Avvalroq Nikolas Maduro AQSh bilan munosabatlarni yo‘lga qo‘yib, Vashingtondagi yangi elchini tayinlashga tayyorligini bildirgan edi.
Nashr eslatishicha, mart oyida Venesuela prezidenti Karakas o‘zining AQShdagi elchisini chaqirib olishini ma’lum qilgan edi. “Agar AQSh biz bilan aloqa qilishni istamasi, bizga u yerda elchining nima keragi bor?” — degan edi u o‘shanda.
Izoh (0)