21-iyun, seshanba kuni Hindistonning to‘rt shtatida kamida 90 kishi chaqmoq zarbidan halok bo‘ldi. Bu haqda TJournal xabar bermoqda.
Oldinroq shu kuni birgina Bixar shtatida 45 kishi tabiiy ofat qurboni bo‘lgani bildirilgandi.
21-iyunda mamlakatning katta qismiga musson yomg‘irlari yopirildi, halok bo‘lganlarning aksariyati qishloq xo‘jaligi ishlari bilan band bo‘lgan. Musson yomg‘irlari chog‘ida chaqmoqlar ro‘y berishi noyob hodisa emas, biroq rasmiylar bu yil uning oqibatida jabrlanganlar soni odatdagidan ko‘p ekanligini ta’kidlamoqda.
Ma’lumot uchun, 2014-yili mamlakatda chaqmoq zarbidan 2582 kishi halok bo‘lgan. Hindistonda chaqmoqlar eng ko‘p o‘lim holatlariga olib keladigan tabiiy ofat hisoblanadi.
Izoh (0)