Avstraliya kompaniyasining 5 nafar xodimi Nigeriya janubi-sharqida ularning avtomobiliga hujumdan so‘ng o‘g‘irlab ketildi. Bu haqda “TASS” xabar bermoqda.
Mahalliy politsiya ma’lumotlariga ko‘ra, hodisa 22-iyun, chorshanba kuni ertalab Kross-River shtati poytaxti Kalabara yaqinidagi Akpabuyo tumanida sodir bo‘lgan.
“Besh kishi — ikki avstraliyalik, ikki nigeriyalik va janubiy afrikalik o‘g‘irlab ketilgan. Avtomobil haydovchisi otib o‘ldirilgan. Hozirgacha ularning ozod etilishi uchun garov puli haqida hech qanday talab qo‘yilmadi. Rasmiylar tutqunlarni qutqarish uchun qo‘llaridan kelgan barcha ishlarni amalga oshirmoqda”, — deya ma’lum qilgan politsiya vakili Jimox Ozi-Obex.
Izoh (0)