Janubiy Afrika Respublikasi huquq-tartibot organlari xodimlari Tshvane megapolisida sodir bo‘lgan tartibsizliklar chog‘ida do‘konlarni o‘marayotgan ikki marodyorni otib tashladi, deb yozadi “TASS” mamlakat politsiyasiga tayanib.
Politsiya vakili aniqlik kiritishicha, namoyishchilar politsiyachilar bilan to‘qnashuvlarni davom ettirmoqda va, asosan, xorijliklarga tegishli do‘konlarni o‘marmoqda. 40 kishi hibsga olingan.
Tartibsizliklar 20-iyun, dushanba kuni kechki payt megapolis tashqarisidagi bir nechta shaharlarda merning nomzodi 3-avgustda bo‘lib o‘tadigan mahalliy saylovlarga qo‘yilishi tufayli boshlandi. Tshvanening amaldagi rahbari — Kgosiyenso Ramokgopi tarafdorlari hukmron Afrika milliy kongressi ilgari surgan nomzod — sobiq vazir Toko Didiziga qarshi chiqdi. Ular ko‘chalarni qamal qildi, avtobuslarga o‘t qo‘ydi, mashinalarni ag‘dardi va do‘konlarni taladi.
Izoh (0)