AQSh Kongressi senati respublikachi Jon Makkeynning Federal qidiruv byurosiga foydalanuvchilar tashrif buyurgan saytlar ro‘yxatini tegishli sud ruxsatisiz qo‘lga kiritish imkoniyatini taqdim etish haqidagi tuzatishini qabul qilmadi, deb yozadi “TASS”.
Ushbu tashabbusga qarshi 58 senator ovoz berdi, 38 nafari esa uni yoqlab chiqdi. Tuzatish ma’qullanishi uchun ikkita ovoz yetmadi.
Makkeyn taklifiga ko‘ra, sud orderi o‘rnini FQBning terrorizm va josuslik bilan bog‘liq tekshiruvlar bo‘limining rahbari yozgan oddiy xat bosishi kerak edi.
Provayderlar va huquq himoyachilari ushbu tashabbusga qarshi chiqib, shu tariqa, FQB amerikaliklarning shaxsiy hayoti daxlsizligiga tajovuz qilishini aytdi.
Izoh (0)