Rossiyada mansabdorlar ijtimoiy tarmoqlardagi akkauntlari haqida xabar qilish majburiyatini oldi

Rossiya Davlat dumasi davlat xizmatchilariga ishga yollovchilarga internetga shaxsiy ma’lumotlari joylanishi haqida hisob berish majburiyatini yukladigan qonunni ikkinchi va uchinchi o‘qishda qabul qildi, deb yozadi “RBK”.

Hujjat davlat xizmatchilari va bunday lavozimga da’vogarlar ish beruvchiga o‘zlari ularning shaxsini aniqlashtirish imkonini beruvchi ma’lumotlarni joylagan internet saytlari va sahifalari manzillari haqida xabardor qilishga majbur bo‘lishini nazarda tutadi. Jumladan, ular ijtimoiy tarmoqlar, internet-chatlar yoki forumlardagi ma’lumotlarni taqdim etishi shart.

Qonun mualliflari fikricha, bunday axborotning qo‘lga kiritilishi ish beruvchiga ishga qabul qilish haqida yakuniy qaror chiqarish imkonini beradi, korrupsiya xavfini minimallashtiradi va professional axloq qoidalariga rioya qilinishini ta’minlaydi.