Duoqin kompaniyasi o‘zining eng kichik smartfoni — Qin K25’ni namoyish etdi. Qurilma 3,5 dyuymli 960 × 640 pikselli IPS ekranga ega — iPhone 4 va 4S bilan bir xil. Korpus o‘lchamlari 95,5 × 59,4 × 11,5 mm, og‘irligi esa atigi 94 gramm.
Ish uchun Mali-G52 MP2 grafikali 12 nanometrli MediaTek Helio G81 protsessori mas’ul. Operativ xotira hajmi 4 GBni tashkil etadi. Asosiy kamera 8 MP, old kamera 2 MP aniqlik darajasiga ega. Akkumulyator sig‘imi 2 150 mA/soat, 10 Vt quvvatli simli quvvatlash imkoniyati mavjud.
Smartfon bolalar uchun mo‘ljallangan: ota-ona nazorati funksiyalari mavjud, ammo xohish bo‘lsa, ularni butunlay o‘chirib qo‘yish ham mumkin. Qin K25 ko‘k, qora va pushti ranglarda mavjud. Xitoy bozorida model taxminan 113 dollarga baholandi.
Izoh (0)