Shavkat Mirziyoyev 30-iyun bir guruh yoshlarga davlat mukofotlarini tantanali ravishda topshirdi.
“Yoshlar kuni munosabati bilan yurtimizning faol va tashabbuskor yosh avlod vakillaridan bir guruhini mukofotlash to‘g‘risida”dagi prezident farmoni imzolangandi. Farmoni bilan ilm-fan, texnologiya, madaniyat, san’at, sport, tadbirkorlik va boshqa sohalarda tengdoshlariga o‘rnak bo‘layotgan bir guruh o‘g‘il-qizlar “Kelajak bunyodkori” medali bilan mukofotlangan edi.
“Kelajak bunyodkori” medali bilan mukofotlanganlar BHMning 10 baravari miqdorida bir yo‘la to‘lanadigan pul mukofoti oladi va qonunchilikda belgilanadigan imtiyozlardan foydalanadi.
Shuningdek, prezident qarori bilan bir guruh iqtidorli yigitlar fan, ta’lim, tibbiyot, madaniyat, adabiyot, san’at, sport, ishlab chiqarish, harbiy xizmat sohalari va huquqni muhofaza qilish organlaridagi faoliyatida erishgan alohida yutuqlari uchun “Mard o‘g‘lon” davlat mukofoti bilan taqdirlangandi.
“Mard o‘g‘lon” davlat mukofoti sovrindorlarining har biriga BHMning 50 baravari miqdorida pul mukofoti beriladi.
Mukofotlar topshirilishidan lavhalar
Ilk bor “Yoshlar kuni”ni nishonlash to‘g‘risida 2017-yil 30-iyun kuni e’lon qilgan. Shundan buyon 30-iyun — “Yoshlar kuni” mamlakatda yoshlarning jamiyatdagi o‘rni va rolini e’tirof etish, ularni qo‘llab-quvvatlash, yangi avlodni ilm-fan, san’at, sport va innovatsiyalar sohalariga keng jalb etish maqsadida nishonlanadi.
Izoh (0)