Ispaniyaning “Real Madrid” klubi Niderlandiyaning “AZ Alkmar” jamoasida to‘p surayotgan yarim himoyachi Kes Smitni o‘z safiga qo‘shib olish masalasini ko‘rib chiqmoqda. Bu haqda Diario AS nashri xabar berdi.
Manbaga ko‘ra, “qirollik klubi” 19 yoshli futbolchining o‘yini va maydondagi harakatlarini yuqori baholab, uni Madridga olib kelish borasida muzokara boshlash arafasida turibdi.
Qolaversa, futbolchining o‘zi ham “qaymoqranglilar” tarkibiga o‘tishni istayotganini bildirgan. Yaqinda Smitning ko‘chada “Real Madrid” futbolkasida tushgan surati e’lon qilingani ushbu taxminlarni yanada kuchaytirdi.
2024/25-yilgi mavsum Kes Smit barcha musobaqalar doirasida 43 o‘yinda maydonga tushib, 10 ta gol va 7 ta golli uzatmaga mualliflik qilgan. Uning “AZ Alkmar” bilan amaldagi shartnoma 2028-yilgacha mo‘ljallangan.
Transfermarkt portali hozirda futbolchining qiymatini 5 million yevroga baholamoqda.
Izoh (0)