Yengil atletika federatsiyalari xalqaro uyushmasi (IAAF) kengashi rossiyalik sportchilarning 2016-yilda Rio-de-Janeyroda o‘tadigan Olimpiya o‘yinlarida ishtirok etishiga ruxsat bermadi. Bu haqda Sky News telekanali Twitter’dagi sahifasi orqali xabar qildi.
Shuningdek, Butunrossiya yengil atletika federatsiyasi diskvalifikatsiyasi kuchda qoldirildi.
Sportchilarning musobaqadan chetlashtirilishiga asosiy sabab ularning dopingdan foydalangani bo‘ldi.
Butunrossiya yengil atletika federatsiyasi 2015-yil noyabrida diskvalifikatsiya qilingan edi. Joriy yilning fevralida esa 4027 rossiyalik atletlar xalqaro musobaqalardan chetlatilgan edi.
Izoh (0)