Енгил атлетика федерациялари халқаро уюшмаси (IAAF) кенгаши россиялик спортчиларнинг 2016 йилда Рио-де-Жанейрода ўтадиган Олимпия ўйинларида иштирок этишига рухсат бермади. Бу ҳақда Sky News телеканали Twitter’даги саҳифаси орқали хабар қилди.
Шунингдек, Бутунроссия енгил атлетика федерацияси дисквалификацияси кучда қолдирилди.
Спортчиларнинг мусобақадан четлаштирилишига асосий сабаб уларнинг допингдан фойдалангани бўлди.
Бутунроссия енгил атлетика федерацияси 2015 йил ноябрида дисквалификация қилинган эди. Жорий йилнинг февралида эса 4027 россиялик атлетлар халқаро мусобақалардан четлатилган эди.
Изоҳ (0)