Estoniyadagi Tapa harbiy shaharchasida 13-iyun, dushanba kuni tantanali saf tortish bilan NATOning Saber Strike mashg‘ulotlari boshlandi. Bu haqda “Interfaks” xabar bermoqda.
Saber Strike’da NATO ga a’zo yoki sherik 13 mamlakatdan kelgan 10 ming nafar harbiy xizmatchi qatnashmoqda. Qo‘shinlar Boltiqbo‘yi mamlakatlari bo‘ylab uch qismga bo‘lingan. Estoniyada Tapadagi poligon, harbiy shaharcha va Emari aviabazasi mashg‘ulotlar markazi bo‘ladi, ularda 2000 nafar harbiy ishtirok etadi.
Mashg‘ulotlar uchun Boltiqbo‘yi davlatlariga Germaniyadan AQSh 2-kavaleriya polki zirhli bo‘linmalarining 400 ga yaqin texnikasi, jumladan, Stryker zirhli mashinalari, harbiy yo‘ltanlamaslar va og‘ir avtomashinalari keltirildi.
Saber Strike 21-iyun kuni Tapada yakunlanadi.
Izoh (0)