“O‘zbekiston havo yo‘llari” milliy aviakompaniyasi va Euronews vakili o‘rtasida muzokaralar o‘tkazildi. Bu haqda Uzdaily xabar bermoqda.
Uchrashuvda o‘zaro manfaatli hamkorlik istiqbollari, aviakompaniya xizmatlari va brendini Yevropa bozorida reklama hamda qo‘shma loyihalar orqali ilgari surish masalalari muhokama etildi.
— Hozirgi kunda “O‘zbekturizm” milliy kompaniyasi bilan birga ishlab, mamlakatga sayyohlarni jalb etish uchun turli mavzulardagi videoreportajlarni tayyorlayapmiz. O‘zbekistonga kelishimdan asosiy muddao ham shu. Milliy aviakompaniya mutaxassislari bilan uchrashish imkoniyati tug‘ilganidan mamnunman va kelgusida samarali hamkorlikka umid qilaman, — dedi Euronews tijorat departamenti menejeri Anna Mersalova.
Izoh (0)