Yoqutistonda tergovchilar tibbiy markaz bemorining lidokain inyeksiyasidan so‘ng yuz bergan o‘limi holati bo‘yicha tekshiruv olib bormoqda, deb yozadi “RIA Novosti”.
Mahalliy OAVlar yozishicha, marhuma Yoqutistonda taniqli jurnalist ayol bo‘lgan.
Dastlabki ma’lumotlarga ko‘ra, 9-iyun kuni ayol tibbiy markazga yordam so‘rab murojaat qilgan. Operatsiya oldidan unga lidokain inyeksiyasi kiritilgan. Ayol hushini yo‘qotgan va, qayta jonlantirish choralariga qaramay, vafot etgan.
Ayni paytda tergov tomonidan protsessual tekshiruv olib borilmoqda. Ayolning o‘limi sabablarini aniqlash uchun sud-tibbiy ekspertiza komissiyasi tuzildi.
Izoh (0)