Shveysariyaning F-5 qiruvchi samolyoti Niderlandiyadagi aviashouda halokatga uchradi. Bu haqda 9-iyun, payshanba kuni The Independent ma’lum qildi, deya xabar beradi “Interfaks”.
Nashr ma’lumotlariga ko‘ra, Shveysariyaning Patrouille suisse parvoz guruhi a’zosi bo‘lgan uchuvchi katapultani amalga oshirgan va omon qolgan. Havo kemasining qulashi Niderlandiya HHK “Leuvarden” aviabazasidagi “Harbiy-havo kuchlari kuni” doirasidagi namoyishlar chog‘ida sodir bo‘lgan.
Eslatib o‘tamiz, 9-iyun kuni Rossiya harbiy-koinot kuchlarining Su-27 qiruvchi samolyoti aerodromga qaytish chog‘ida halokatga uchragani, uni boshqargan “Russkiye vityazi” parvoz guruhi uchuvchisi halok bo‘lgani haqida xabar berilgandi.
Izoh (0)