АҚШ президентлигига асосий даъвогарлар — демократ Ҳиллари Клинтон ва республикачи Дональд Трампнинг Twitter’даги жанжали АҚШ собиқ давлат котиби Клинтонга ретвитлар бўйича рекорд ўрнатиш имконини берди, деб ёзади «Газета.ru».
Таъкидланишича, сервис фойдаланувчилари Клинтоннинг хабарини биринчи соат давомида 130 минг марта қайта юборган. Ушбу пост Клинтоннинг бутун сайловолди кампанияси давомидаги энг оммабопи бўлди.
Трамп ва Клинтон ўртасидаги даҳанаки жанг АҚШ президенти Барак Обама Клинтонни қўллаб-қувватлашини билдиргач, бошланган эди. Шундан сўнг Трамп ўз Twitter’ида: «Обама ҳозиргина қонунга риоя қилмайдиган Клинтонни қўллаб-қувватлади. У яна тўрт йил ‘обамачасига’ ўтишини истаяпти, аммо буни бошқа ҳеч ким хоҳламайди!» — деб ёзди. Ҳиллари Клинтон эса миллиардерга: «Аккаунтингни ўчириб ташла», — деб жавоб берди.
Изоҳ (0)