KXDR Janubiy Koreyani Sariq dengizda havo va dengiz chegaralarini buzishda aybladi. Bu haqda “TASS” xabar bermoqda.
Koreya markaziy telegraf agentligiga ko‘ra, 7-iyun, seshanba kuni Janubiy Koreya uchuvchisiz qurilmalari Shimoliy ajratuvchi liniya ustida aylangan va uch bor KXDR havo chegarasini buzgan. Shu kunning o‘zida janubliklarning harbiy kateri va to‘rtta baliqchilik kemasi “josuslik maqsadida” besh marotaba KXDR dengiz chegarasini buzgan.
Agentlikning bildirishicha, bunday harakatlar Sariq dengizda iyun oyida har kuni qayd etilmoqda.
Pxenyan Seulni Koreya yarim orolida urush keltirib chiqarish uchun qasddan harakat qilayotganlikda gumon qilgan va bunga qarshi keskin choralar ko‘rishga va’da bergan.
Izoh (0)