JCh—2018 sari harakat qilayotgan O‘zbekiston milliy terma jamoasi 2-iyun kuni mamlakat Oliy Ligasida to‘p surayotgan legioner futbolchilarga qarshi yopiq eshiklar ortida maydonga tushdi va 2:2 hisobida durang o‘ynadi.
O‘zbekiston va Qirg‘iziston o‘rtasidagi o‘rtoqlik uchrashuvi bekor qilindi
O‘zbekiston va Ekvatorial Gvineya terma jamoalari o‘rtasidagi o‘rtoqlik o‘yini bekor qilindi
Ekvatorial Gvineya bilan o‘yin uchun pasport yordamisiz sotib olingan chiptalar pasport ma’lumotlari bilan qaytib olinadi
O‘zbekiston milliy terma jamoasiga qarshi bellashuvda Ignatiy Nesterov, Eldor Suyunov, Jamshid Iskanderov, Stanislav Andreyev, Sardor Mirzayev kabi o‘zbekistonlik futbolchilar legionerlar jamoasida harakat qildi. 2015-yilgi Osiyo Chempionlar Ligasida “Paxtakor” legioneri sifatida ishtirok etgan Aleksandr Lobanov esa O‘zbekiston milliy terma jamoasi darvozasini qo‘riqladi.
Sardor Rashidov, Odil Ahmedov, Vitaliy Denisov, Aziz Haydarov, Sanjar Tursunov kabi legioner futbolchilar ishtirok etmagan bellashuvda O‘zbekiston milliy terma jamoasining boshlang‘ich tarkibiga o‘z vaqtida Samvel Babayan qo‘l ostida “Paxtakor” sharafini himoya qilgan 6 nafar futbolchi kiritildi. Har ikki jamoa safida bunday futbolchilar soni 10 tani tashkil etdi.
2-iyun kuni O‘zbekiston milliy terma jamoasi “Bunyodkor” stadionida xalqaro o‘rtoqlik uchrashuvi o‘tkazishi kerak edi. Qirg‘iziston va Ekvatorial Gvineya termalari bilan bellashuv bekor bo‘lgach, PFL legionerlari raqib sifatida tanlab olindi. Ammo o‘yin muxlislarsiz o‘tkazildi, shuningdek, OAV xodimlari ham “Bunyodkor” stadioniga kiritilmadi.
Ma’lumot uchun, O‘zbekiston milliy terma jamoasi o‘ziga raqib topa olmagan bir paytda uning JCh—2018 yo‘lidagi raqiblaridan Eron Makedoniya bilan, Janubiy Koreya Ispaniya bilan, Qatar Albaniya bilan, Suriya esa Vyetnam bilan o‘yinda maydonga tushdi. Bugun — 3-iyun kuni Xitoy terma jamoasi o‘z maydonida Trinidad va Tobagoni qabul qiladi.
O‘zbekiston milliy terma jamoasining 2-iyun sanasida Ekvatorial Gvineya bilan nima sababdan xalqaro o‘rtoqlik o‘yinida ishtirok etmagani O‘FF tomonidan tushuntirildi, Qirg‘izistonga qarshi o‘yin bekor qilingani borasida O‘FF rasmiy izoh bermadi.
O‘zbekiston milliy terma jamoasi 7-iyun kuni Avstriyada Kanadaga qarshi o‘rtoqlik o‘yinida maydonga tushadi.
“Daryo” so‘rovnomasida ishtirok etgan uch yarim mingdan ziyod o‘quvchining 30 foizi Kanadaga qarshi bellashuv ham qoldirilishiga ishonch bildirgan. “Bunyodkor” stadioniga futbol ko‘rish uchun borishini aytgan 16 foiz muxlis esa, 2-iyun kuni katta ehtimol bilan stadion darvozasi oldidan qaytib ketgan.
O‘zbekiston — PFL (Legionerlar) 2:2
Gollar: Server Jeparov, Aleksandr Merzlyakov — Arslonmurot Amanov, Sato Minori.O‘zbekiston: Aleksandr Lobanov, Yegor Krimets, Islom To‘xtaxo‘jayev, Davron Hoshimov, Akrom Komilov, Otabek Shukurov, Javohir Sohibov, Server Jeparov, Eldor Shomurodov, Aleksandr Geynrix, Igor Sergeyev.Ikkinchi taymda o‘yinga qo‘shilganlar: Ignatiy Nesterov, Shuhrat Muhammadiyev, Doston Hamdamov, Sanjar Shoahmedov, Aleksandr Merzlyakov, Jasur Hasanov, Sherzod A’zamov, Salamat Qutiboyev.
PFL: Ignatiy Nesterov, Yevgeniy Gogol, Georgi Kvesiashvili, Adnan Oraxovats, Shaker Zuagi, Nikita Pavlenko, Deyan Bolevich, Andrey Derkach, Arslonmurot Amanov, Vyacheslav Shevchenko, Martinyuk.Ikkinchi taymda o‘yinga qo‘shilganlar: Eldor Suyunov, Jamshid Iskanderov, Sato Minori, Aleksandr Alimpeivich, Stanislav Andreyev, Sardor Mirzayev.
Izoh (0)