Қирғизистон ва Экваториал Гвинея билан ўйнай олмаган Ўзбекистон термаси Олий Лига легионерларини мағлуб эта олмади

ЖЧ—2018 сари ҳаракат қилаётган Ўзбекистон миллий терма жамоаси 2 июнь куни мамлакат Олий Лигасида тўп сураётган легионер футболчиларга қарши ёпиқ эшиклар ортида майдонга тушди ва 2:2 ҳисобида дуранг ўйнади.

• Ўзбекистон ва Қирғизистон ўртасидаги ўртоқлик учрашуви бекор қилинди

• Ўзбекистон ва Экваториал Гвинея терма жамоалари ўртасидаги ўртоқлик ўйини бекор қилинди

• Экваториал Гвинея билан ўйин учун паспорт ёрдамисиз сотиб олинган чипталар паспорт маълумотлари билан қайтиб олинади

Ўзбекистон миллий терма жамоасига қарши беллашувда Игнатий Нестеров, Элдор Суюнов, Жамшид Искандеров, Станислав Андреев, Сардор Мирзаев каби ўзбекистонлик футболчилар легионерлар жамоасида ҳаракат қилди. 2015 йилги Осиё Чемпионлар Лигасида «Пахтакор» легионери сифатида иштирок этган Александр Лобанов эса Ўзбекистон миллий терма жамоаси дарвозасини қўриқлади.

Сардор Рашидов, Одил Аҳмедов, Виталий Денисов, Азиз Ҳайдаров, Санжар Турсунов каби легионер футболчилар иштирок этмаган беллашувда Ўзбекистон миллий терма жамоасининг бошланғич таркибига ўз вақтида Самвел Бабаян қўл остида «Пахтакор» шарафини ҳимоя қилган 6 нафар футболчи киритилди. Ҳар икки жамоа сафида бундай футболчилар сони 10 тани ташкил этди.

2 июнь куни Ўзбекистон миллий терма жамоаси «Бунёдкор» стадионида халқаро ўртоқлик учрашуви ўтказиши керак эди. Қирғизистон ва Экваториал Гвинея термалари билан беллашув бекор бўлгач, ПФЛ легионерлари рақиб сифатида танлаб олинди. Аммо ўйин мухлисларсиз ўтказилди, шунингдек, ОАВ ходимлари ҳам «Бунёдкор» стадионига киритилмади.

Маълумот учун, Ўзбекистон миллий терма жамоаси ўзига рақиб топа олмаган бир пайтда унинг ЖЧ—2018 йўлидаги рақибларидан Эрон Македония билан, Жанубий Корея Испания билан, Қатар Албания билан, Сурия эса Вьетнам билан ўйинда майдонга тушди. Бугун — 3 июнь куни Хитой терма жамоаси ўз майдонида Тринидад ва Тобагони қабул қилади.

Ўзбекистон миллий терма жамоасининг 2 июнь санасида Экваториал Гвинея билан нима сабабдан халқаро ўртоқлик ўйинида иштирок этмагани ЎФФ томонидан тушунтирилди, Қирғизистонга қарши ўйин бекор қилингани борасида ЎФФ расмий изоҳ бермади.

Ўзбекистон миллий терма жамоаси 7 июнь куни Австрияда Канадага қарши ўртоқлик ўйинида майдонга тушади.

«Дарё» сўровномасида иштирок этган уч ярим мингдан зиёд ўқувчининг 30 фоизи Канадага қарши беллашув ҳам қолдирилишига ишонч билдирган. «Бунёдкор» стадионига футбол кўриш учун боришини айтган 16 фоиз мухлис эса, 2 июнь куни катта эҳтимол билан стадион дарвозаси олдидан қайтиб кетган.

• Ўртоқлик ўйинларида иштирок этмаган Ўзбекистон миллий терма жамоаси ФИФАнинг янги рейтингида жойидан қимирламади

Ўзбекистон — ПФЛ (Легионерлар) 2:2

Ўзбекистон: Александр Лобанов, Егор Кримец, Ислом Тўхтахўжаев, Даврон Ҳошимов, Акром Комилов, Отабек Шукуров, Жавоҳир Соҳибов, Сервер Жепаров, Элдор Шомуродов, Александр Гейнрих, Игорь Сергеев.Иккинчи таймда ўйинга қўшилганлар: Игнатий Нестеров, Шуҳрат Муҳаммадиев, Достон Ҳамдамов, Санжар Шоаҳмедов, Александр Мерзляков, Жасур Ҳасанов, Шерзод Аъзамов, Саламат Қутибоев.

ПФЛ: Игнатий Нестеров, Евгений Гогол, Георги Квесиашвили, Аднан Ораховац, Шакер Зуаги, Никита Павленко, Деян Болевич, Андрей Деркач, Арслонмурот Аманов, Вячеслав Шевченко, Мартинюк.Иккинчи таймда ўйинга қўшилганлар: Элдор Суюнов, Жамшид Искандеров, Сато Минори, Александр Алимпеивич, Станислав Андреев, Сардор Мирзаев.