Forbes jurnali dunyodagi eng yosh ayol milliarder, Theranos kompaniyasi asoschisi Elizabet Xolmsning boyligiga berilgan bahoni qariyb nolgacha pasaytirdi. Bu haqda nashr saytida ma’lum qilindi, deb yozadi “RBK”.
Xolms biznesda mustaqil ravishda muvaffaqiyat qozonib, 2015-yilda jahonning eng badavlat tadbirkor ayollari ro‘yxatida yetakchilik qilgan edi. O‘shanda Forbes uning boyligini 4,5 milliard dollarga baholagan.
Forbes Xolmsning davlatini uning Theranos’dagi ulushiga asoslangan holda baholagan. Kompaniya birjada savdo-sotiq qilmaydi, shu tufayli uning bor qiymati investitsiyaviy bitimlar asosiga quriladi. Nashr ta’kidlashicha, biznes hisob-kitobidan tashqari, kompaniya haqida deyarli hech narsa ma’lum emas.
Nashr venchur investorlari, sanoat ekspertlari va tahlilchilar o‘rtasida so‘rov o‘tkazib, Theranos’ning real qiymati hozirda 800 million dollardan oshmasligini aniqladi. Bu holda Xolmsning ulushi deyarli hech qanday qiymatga ega emas, deya xulosa yasadi nashr. Theranos’ning imtiyozli aksiyalariga begona investorlar egalik qiladi, bu esa shuni bildiradiki, Theranos sotilsa yoki bankrotlikka uchrasa, ular o‘z pullarini birinchi bo‘lib qaytarib oladi. Oddiy aksiyalarga egalik qiluvchi Xolmsga esa hech narsa tegmaydi, deb hisoblaydi jurnal hamsuhbatlari.
Izoh (0)