Saudiya Arabistonining Jamoatchilik investitsiya fondi (JIF) taksi onlayn buyurtmasi bo‘yicha xizmatlarni taqdim etuvchi Uber kompaniyasiga 3,5 milliard dollar investitsiya kiritadi, deb yozadi “TASS” The Wall Street Journal’ga tayanib.
Bitimga ko‘ra, dunyoda eng yirik hisoblangan ushbu suveren fond rahbari Yasir al-Rumayyan Uber direktorlar kengashi tarkibiga kiradi, JIFning o‘zi esa kompaniyada besh foizlik aksiyadorlik ulushiga ega bo‘ladi.
Uber kelajakda Saudiya Arabistoni bilan hamkorlikni faqat kengaytirish niyatida ekanligini bildirdi. Shu bilan birga, kompaniya bitim uning ushbu mamlakatdagi ishtirokini kengaytirishi kerakligini nazarda tutmasligini aytdi. Ayni paytda Uber xizmatlari Saudiya Arabistonining beshta shahrida mavjud.
Izoh (0)