Германиялик рассом Петер Кеес Прага яқинида ўзбошимчалик билан босиб олинган бир квадрат метр майдонда Аркадия давлатини тузди. Бу ҳақда Чехиянинг Blesk нашри маълум қилди.
«Мен бахтли кишилар беҳаловат дунёдан ташқарида табиат билан уйғунликда яшаши мумкин бўлган жойни яратишни истадим. Қадимги Юнонистонда Аркадия мукаммал жой тимсоли бўлган. Қисқа қилиб айтганда, мен замонавий дунёдан мамнун эмасман ва яхшироқ ҳаётга интилмоқдаман», — дея аниқлик киритди Кеес.
Рассом Братоница қишлоғи ташқарисидаги бир квадрат метр ерни тўсиқ билан ажратиб қўйди. Маҳаллий ҳукумат ушбу ҳаракатга қандай муносабат билдириш бўйича қарор қабул қилганича йўқ.
Кеес Аркадияни ташкил этганини 2006 йилда эълон қилган эди. Ўзини эса мустақил давлатнинг элчиси деб эълон қилди. Ўн йил ичида Кеес Польша, Финляндия, Италия, Австрия, Швейцарияда бир квадрат метрлик майдонларни «забт этиб» мамлакат ҳудудини кенгайтирди.
Изоҳ (0)