Namangan viloyatida joylashgan harbiy shaharchalardan birida bunyod etilgan ko‘p qavatli turar-joy xonadonlarining kaliti Sharqiy harbiy okrug qo‘shinlarida xizmat qilayotgan harbiy xizmatchilar oilalariga topshirildi. Bu haqda O‘zA xabar bermoqda.
“Foydalanishga topshirilgan 32 xonadondan iborat to‘rt qavatli turar-joy binosi harbiy qism xizmatchilari uchun barpo etilgan uchinchi bino bo‘lib, ularning atrofida yaratilgan infratuzilma obyektlari o‘zaro uyg‘unlashib, zamonaviy shaharcha qiyofasini kasb etdi.
Uy farovon hayot kechirish uchun zarur barcha sharoitlar, infratuzilma tarmoqlari bilan ta’minlangan, maishiy ro‘zg‘or buyumlari bilan jihozlangan. Hovlidagi bolalar o‘yin va sport maydonchalari o‘sib kelayotgan yosh avlodning sog‘lom voyaga yetishiga xizmat qiladi”, — deyiladi O‘zA xabarida.
Izoh (0)