Buyuk Britaniyaning Legatum Institute tadqiqot markazi 2015-yil yakunlariga ko‘ra, dunyo mamlakatlari rivojlanganlik reytingini e’lon qildi.
Reytingda birinchi o‘rinni Norvegiya egalladi. Yuqori o‘nlikka Shveysariya, Daniya, Yangi Zelandiya, Shvetsiya, Kanada, Avstraliya, Niderlandiya, Finlyandiya va Irlandiya kabi davlatlar ham kirdi.
O‘zbekiston ushbu reytingda 57-pog‘onani egallab turibdi. Bungacha O‘zbekiston 2009-yilda 65, 2010-yilda 76, 2011−2012-yillarda 64, 2013-yilda 63 va 2014-yilda 57-o‘rinni egallagan edi.
MDH mamlakatlaridan Qozog‘iston 56, Rossiya 58, Qirg‘iziston 66, Ukraina 70, Ozarbayjon 71, Tojikiston 91-o‘rinlarda ko‘rsatilgan.
Reytingning so‘nggi pog‘onalarida Markaziy Afrika Respublikasi, Afg‘oniston, Gaiti, Chad, Burundi, Kongo Demokratik Respublikasi va Suriya joylashdi.
Indeks jamiyat hayotining turli jabhalari va jamoatchilik farovonligining parametrlarini aks ettiruvchi sakkizta mezonga birlashtirilgan 79 ta ko‘rsatkich asosida tuziladi. Sakkizta mezon esa iqtisodiyot, tadbirkorlik, boshqaruv, ta’lim, sog‘liqni saqlash, xavfsizlik, shaxsiy erkinliklar, ijtimoiy kapitaldan iboratdir.
Izoh (0)