O‘zbekiston xalq shoiri, O‘zbekiston Qahramoni Erkin Vohidov o‘z she’rlarida millat dardini ochiq ayta olgan, yuksak tuyg‘ular haqida kuylagan, ayni vaqtda, faqat o‘zigagina xos hazil-mutoyiba bilan jamiyat hayotidagi muammolarga oyna tutgan.
Quyida Erkin Vohidovning ba’zi she’rlari bilan tanishishingiz mumkin (she’rlar “Ziyouz.com” saytidan olindi).
Atoqli o‘zbek shoiri Erkin Vohidov olamdan o‘tdi
“O‘n sakkizga kirmagan kim bor…”. Erkin Vohidovning so‘zlari bilan shlyagerga aylangan qo‘shiqlar
Qaddingni baland tut,Bo‘lma serta’zim,Cho‘qqi bo‘lolmasang, mahkam qoya bo‘l,Pillapoya bo‘ldim senga, azizim,Sen ham gal kelganda pillapoya bo‘l.
***
— Orol o‘layotir,Sir o‘layotir,O‘layotir zahardan tuproq.Shoir bunga qarshi ne qilayotir?— Shoir daftarida kattakon so‘roq.
U faqat qichqirar:Bundoq bo‘lmaydi.Alam bilan yosh to‘kar, biroqUning ko‘zyoshidan Orol to‘lmaydi,Faqatgina yer bo‘lar sho‘rroq...
Bu ko‘hna hasrat
“Yorab, qandoq kunga qoldik, bu nechuk savdo?Odamlarda na shafqat bor, na mehru vafo.Yigitlarda odob yo‘qdir, qizlar hayosiz,Xotin zoti kun o‘tkazmas bir mojarosiz.Qo‘yib bersa el bir-birin o‘yar ko‘zini,Ovboshilar esa faqat o‘ylar o‘zini...Dunyo oxir, birodarlar, yo‘q endi hayot.Kuni kecha tamom bo‘ldi oxirgi mamont...”.Qadim ajdod o‘kinch bilan cho‘kib soyaga,Bu so‘zlarni cho‘kich bilan yozdi qoyaga.Kamtarlik haqida
Garchi shuncha mag‘rur tursa ham,Piyolaga egilar choynak.Shunday ekan, manmanlik nechun,Kibru havo nimaga kerak?Kamtarin bo‘l, hatto bir qadamO‘tma g‘urur ostonasidan.Piyolani inson shuning-chunO‘par doim peshonasidan.
Qaro qoshing
Qaro qoshing, qalam qoshing,Qiyiq qayrilma qoshing, qiz.Qilur qatlima qasd qayrab —Qilich qotil qaroshing, qiz.Qafasda qalb qushin qiynab,Qanot qoqmoqqa qo‘ymaysan.Qarab qo‘ygil qiyo,Qalbimni qizdirsin quyoshing, qiz.
Sadoqat
Keksa qarag‘ayningIldizin ochib,Tortdilar qo‘sh arqon solib belidan.Lekin u tuproqqa panjasin sanchib,Sira qo‘zg‘almasdiUngan yeridan...Nihoyat, gurs etib yerga quladi,Butab, so‘ng ko‘tarib ketdilar,biroq — U o‘z panjasida olib jo‘nadiYashagan yeridan Bir siqim tuproq.
Xayrli kech
Tilak qadrin bilar odamlar,Yaxshi niyat qilar odamlar.Do‘stga tungi orom oldidanXayrli kech tilar odamlar.Xayrli kech — hikmatli istak,Bu istakni buyurmish yurak.Xayrli kech — farahli tuningOsoyishta, tinch bo‘lsin, demak.
Yer yuzida yashagan insonMayliga, u qayerlik bo‘lsin,Tinch mehnatda kunlari shodon,Kechalari xayrli bo‘lsin.
Shoiru she’ru shuur
To tirikdirki tabiat,To quyosh sochgayki nur,Uch egiz bordir tushuncha,Uch bu so‘z yondosh bo‘lur:Mohiru mehru mahorat,Olimu ilmu amal,Oshiqu ishqu mashaqqat,Shoiru she’ru shuur.
Tush
Bir oy bo‘ldi,Takror-takrorMen bir xil tush ko‘raman,Tushlarimda mudrab yurganEl ichida yuraman.Ular bilanMen ham mudrab,Asta qadam sudrayman.“Bu — tush”, - deyman,“Uyg‘on!”, - deyman,Uyg‘onolmay mudrayman.
Har tun shu hol,Falak berganBu ne balo, qiynoqdir?!Ey, Xudoyim,Ey, Xudoyim,Kecha buncha uzoqdir!
O‘zbek Navoiyni o‘qimay qo‘ysa...
O‘zbek Navoiyni o‘qimay qo‘ysa,Oltin boshning kalla bo‘lgani shudir.Bedil qolib Demyan Bedniyni suysa,Qora sochning malla bo‘lgani shudir.O‘zbek Navoiyni o‘qimay qo‘ysa,Dod demoqqa palla bo‘lgani shudir.Ma’rifatdan ayru o‘ynasa, kulsa,Aza chog‘i yalla bo‘lgani shudir.
O‘zbek Navoiyni o‘qimay qo‘ysa,Aldangani, alla bo‘lgani shudir.Yulg‘ich aziz bo‘lib, bilgich xor bo‘lsa,Paytavaning salla bo‘lgani shudir.
El komil bo‘lmasa yurt emas ulug‘,Beqadr mahalla bo‘lgani shudir.Qalb to‘la nur xalqning rizqi ham to‘lug‘,Ombor to‘la g‘alla bo‘lgani shudir.
O‘zbek o‘zligini anglasa bekam,Uning “Barakalla” bo‘lgani shudir.Olamga Navoiy nasliman deganOvozi baralla bo‘lgani shudir.
Tayyorada
Parvoz chog‘i tayyoraning dilbar keliniKo‘k toqini bizga taxti Sulaymon qildi.Lekin e’lon o‘qiganda o‘zbek tiliniDavlat tili bo‘lganiga pushaymon qildi.Qalamhaqi va oylik
— Shoir, nega ko‘nmasdanShe’rdan kelgan boylikka,Ertayu kech tinmasdanIshlayapsan oylikka?— Chunki oylik hamxonaYordek sodiq oshnodir.Qalamhaqi — jononaQizlardek bevafodir.
Uch bayt
Agar do‘sting bilanteng ko‘rsang baham,Shodlik teng ko‘payar,teng bo‘linar g‘am.So‘zlaganda oqildilingga jo qil,Ammo o‘z dardinggao‘zing davo qil.
Qo‘rquvning ko‘zi katta,Yuragi kichik bo‘lur,Qo‘rquv zo‘r kelgan yurtdaArslonlar kuchuk bo‘lur.
Qarsak haqidagi she’rga javob
Men she’r yozsam,O‘qisam uni,Tinglaganlar qarsak chalmasa.Biror kimsa biror so‘ziniYodida ham saqlab qolmasa.Faqat bittagina bo‘z o‘g‘lonUyga qaytgach, yig‘lasa to‘lib.Yig‘lab-yig‘lab tong bo‘zargan onUyg‘onsa u Alpomish bo‘lib.
Qalin puli
Qalin puli — uch ming. Ming — qizi uchun,Yana ming — sandig‘i, kiygizi uchun.Xo‘sh, yana ming nega? Har lahza sengaSanchib turadigan bigizi uchun.Bizlar arra tortmoqdamiz
Bizlar arra tortmoqdamiz,Arramizning tishi yo‘q.Nega arrang tishi yo‘q, debSo‘raydigan kishi yo‘q.Chunki bizlar anoyimas,Pishib ketgan ko‘zimiz.Arra tushgan o‘sha shoxdaO‘ltiribmiz o‘zimiz.
Tramvayda
Tunda tramvayda sarxush o‘spirinTinmay haydovchiga yolvorar edi.Ana u ko‘chaga yuz qadam kiring,Uyim o‘sha yerda, jon aka, derdi.Bu — tramvay, derdi haydovchi xunob,Temir iz bor, chetga qandoq buraman?Yigit qulog‘iga kirmasdi javob,— Besh so‘m oling, mayli, o‘n so‘m beraman...
U sarxush yigitga o‘xshaydi ko‘ngil,Orzulari parvoz etar qaydadir.Talpinma, ey ko‘ngil,Sen gapga ko‘ngil!Axir makonimiz tramvaydadir.
Tilsim
Ayol xatosidan kulgan xatodir,Tortishgan undan ham ulkan xatodir.Ayol hech bir bahsda yengilmas tilsim,Uni faqat sevib qilurlar taslim.Yolg‘on haqida
Gar hakim o‘salga tasallo bergay,So‘zi yolg‘on bo‘lsa, Olloh kechirgay.Ayrilgan do‘stlarni qovushtirgan zotAldasa, tadbiri gunohdan ozod.
Xunuk xotiningga ayt, yuzing — oftob,Bu asli yolg‘onmas, gunohmas, savob.
Rostu yolg‘onlarning hisobi bordir,U dunyo, bu dunyo javobi bordir.
Yolg‘onchi olamda gunohimiz ko‘p,Kechiruvchi tanho parvardigordir.
Jahonda yolg‘on bor lekin eng yomon —Elni jaholatga boshlagan yolg‘on.
U xalq yuragiga otilgan o‘qdir,Unga ikki olammag‘firat yo‘qdir.
Iztirob
Betavfiq rahbarni so‘kkanim uchunUch yil yotar bo‘lsam yotganim bo‘lsin,Uning yo‘q obro‘sin to‘kkanim uchunTo‘lov bersam borim sotganim bo‘lsin.Xalqimga qadringni bil desam agar,Kurash, haqni oshkor qil desam agar,Bu qutqu atalsa davlatga zararQancha azob bo‘lsa tortganim bo‘lsin.
Amaldor der esa, tuzum — men o‘zim,Farmon farmonimdir, so‘z mening so‘zim,Men bunday tuzumdan o‘girib yuzimTamom jinoyatga botganim bo‘lsin.
Tiflisda xalq uzra tank yuborgan zotSha’nin qilar bo‘lsa qonun ehtiyot,O‘sha zot kommunist bo‘lsa, men, hayhot,Firqa daftarimni otganim bo‘lsin...1989
Demang, shoir tinib ketdi
Demang, shoir tinib ketdi,Siyosatga inib ketdi.Va yo aytmangki, mo‘rt toldek,Shamollarda sinib ketdi.
Siz, ey lutf bahrida g‘avvos,U sizni sog‘inib ketdi.
Demang, shoir jimib ketdi,G‘azal yozmay tinib ketdi.
Tinib ketsa, bilingizki,Yog‘och otga minib ketdi.