“O‘zbekiston pochtasi” AJ tomonidan tayyorlanib, O‘zbekiston Respublikasi axborot texnologiyalari va kommunikatsiyalarini rivojlantirish vazirligi tomonidan 2016-yil 23-maydan “O‘zbekiston florasi” turkumi muomalaga kiritildi, deya xabar bermoqda “O‘zbekiston pochtasi” aksiyadorlik jamiyati matbuot xizmati.
Turkum 2 ta pochta markasidan va 1 ta pochta blokidan iborat. Pochta markalarida O‘zbekiston Respublikasi hududida o‘sadigan dekorativ va yovvoyi o‘simliklar tasvirlangan.
Pochta blokida 1 ta pochta markasi joylashgan. Pochta blokining pastki qismida o‘zbek tilida lotin grafikasida “O‘ZBEKISTON FLORASI” yozuvi joylashgan. Gullarning nomlari lotin tilida berilgan.
Pochta markalari va pochta bloki bir necha rangda ishlangan. Ofset usulida bosilgan. Perforatsiyasi taroqsimon. Qog‘ozi oq silliq. Pochta markalarining o‘lchami 37x37 mm. Pochta blokining o‘lchami 90x70 mm. Pochta blokidagi pochta markalarining o‘lchami 37x37 mm.Identifikatsiya raqamlari berilgan va nominallar o‘rnatilgan. Pochta markalarining adadi 8 ming nusxadan.
Izoh (0)