«Ўзбекистон почтаси» АЖ томонидан тайёрланиб, Ўзбекистон Республикаси ахборот технологиялари ва коммуникацияларини ривожлантириш вазирлиги томонидан 2016 йил 23 майдан «Ўзбекистон флораси» туркуми муомалага киритилди, дея хабар бермоқда «Ўзбекистон почтаси» акциядорлик жамияти матбуот хизмати.
Туркум 2 та почта маркасидан ва 1 та почта блокидан иборат. Почта маркаларида Ўзбекистон Республикаси ҳудудида ўсадиган декоратив ва ёввойи ўсимликлар тасвирланган.
Почта блокида 1 та почта маркаси жойлашган. Почта блокининг пастки қисмида ўзбек тилида лотин графикасида «O‘ZBEKISTON FLORASI» ёзуви жойлашган. Гулларнинг номлари лотин тилида берилган.
Почта маркалари ва почта блоки бир неча рангда ишланган. Офсет усулида босилган. Перфорацияси тароқсимон. Қоғози оқ силлиқ. Почта маркаларининг ўлчами 37х37 мм. Почта блокининг ўлчами 90х70 мм. Почта блокидаги почта маркаларининг ўлчами 37х37 мм.Идентификация рақамлари берилган ва номиналлар ўрнатилган. Почта маркаларининг адади 8 минг нусхадан.
Изоҳ (0)