Arizona shtati universiteti tadqiqotchilarining aniqlashicha, mahalliy oliygohlarda biologiyadan ta’lim beradigan professorlarning ko‘pchiligi talabalarga evolyutsiya nazariyasiga ishonishni emas, balki uni tushunishni o‘rgatish zarur deb hisoblaydi. Tadqiqot natijalari CBE-Life Sciences Education jurnalida chop etildi.
Evolyutsiya nazariyasi ko‘p bahslarga sabab bo‘ladi. Gap shundaki, ko‘pgina e’tiqodli insonlar bu nazariyani diniy qarashlarga zid deb hisoblaydi. Olimlar o‘qituvchilarning o‘zlari bu masalaga qanday yondashishini aniqlashga urinib ko‘rdi.
So‘rovda shtatdagi uch universitet va o‘n jamoat kolleji xodimlari ishtirok etdi. Ular orasida ateistlar, agnostiklar, yahudiylar, protestantlar va katoliklar bor edi.
Ilgarigi tadqiqotlarning ko‘rsatishicha, biologiya kurslari tinglovchilarining 50 foizdan ortig‘i o‘zlarini e’tiqodli deb hisoblaydi. Professorlarning ko‘pchiligi talabalarining diniy qarashlarini shubha ostiga olib, ilmiy qarashlarga qarshi qo‘yishga jur’at etmaydi. O‘z navbatida, talabalar hujayralarda membarananing mavjudligi singari oddiy ilmiy faktlarni oson qabul qiladi.
Shuningdek, so‘rovdan ma’lum bo‘lishicha, professorlarning aksariyat qismi fan va din bir-biriga zid keladi deb hisoblaydi, ammo bu mavzuda talabalar bilan falsafiy suhbatlar qilishdan qochadi.
Bundan tashqari, talabalarning samoviy kuchlar tirik organizmlar yaratilishida ishtirok etganiga bo‘lgan ishonchi ular evolyutsiyani to‘g‘ri tushunishiga to‘sqinlik qiladi.
Olimlar kelajakda bunday tadqiqotda umummilliy darajada o‘tkazishni rejalashtirmoqda. Ayni paytda ular talabalar evolyutsiyani diniy nuqtai nazardan qanday qabul qilishini o‘rganmoqda.
Izoh (0)