Ukraina xalqaro havo yo‘llarining Boeing 737-900 samolyoti Tel-Avivdagi Ben-Gurion aeroportida yo‘lovchilarni tushirish vaqtida dum qismi bilan o‘tirib qoldi, deb yozadi “Bigmir.net” mahalliy OAVlarga tayanib.
Isroil aeroportlar boshqarmasi ma’lumotlariga ko‘ra, PS777 reysi bilan uchib kelgan yo‘lovchilarning bir qismi bortni tark etgach, yuklar bir tekisda taqsimlanmagani uchun samolyotning burun qismi kutilmaganda ko‘tarilib qolgan.
Havo kemasi Kiyev—Tel-Aviv reysini amalga oshirayotgan bo‘lgan. Samolyot bortidagilar jabr ko‘rmagan, biroq avialayner va teletrapga zarar yetgan.
Ziyon ko‘rgan avialayner amalga oshirishi kerak bo‘lgan Tel-Aviv—Kiyev qaytish reysi qariyb 19 soatga kechiktirilgan.
Izoh (0)