Asli amerikalik bo‘lgan, hozirda Tailandda yashaydigan Pol Seylo ismli biznesmen Nyu-Yorkda 2001-yil 11-sentabrda sodir etilgan teraktlarni modellashtirishni taklif qildi, deb yozadi The Daily Mail. Shu tariqa, tadbirkor hujum borasidagi barcha miflarni fosh qilish va shubhalarni tarqatish niyatida.
Seylo aniqlik kiritishicha, rekonstruksiya uchun tutilgan “Boing-747” yoki o‘xshash texnik xususiyatlarga ega samolyot, shuningdek, qishloq joydagi bo‘sh osmono‘par bino kerak bo‘ladi. Uning g‘oyasiga ko‘ra, layner binoga soatiga 800 km tezlikda kelib urilishi kerak.
“Agar shundan keyin osmono‘par binoda shunchaki tutunli teshik paydo bo‘lib, boshqa hech narsa sodir bo‘lmasa, unda barchasi soxta bo‘lgan, to‘g‘rimi? (…) Albatta, bu kimlarnidir xafa qilishi mumkin, biroq biz nima sodir bo‘lganini bilishga haqlimiz”, — deya ta’kidladi Seylo.
Biznesmen hisob-kitoblariga ko‘ra, loyihani amalga oshirish uchun 1 million funt sterling (1,4 million dollar) talab qilinadi. Ushbu mablag‘ni u kraudfanding yordamida to‘plamoqchi. U voqeani kuzatishni istaganlarga birinchi qatordagi joylarni 5 ming dollardan pullamoqchi.
Izoh (0)