Angliya chempioni – “Lester” jamoasi hujumchisi Jeymi Vardi va klub yarim himoyachisi Riyad Mahrez “Chelsi”ga qarshi Angliya chempionatining so‘nggi, 38-turida Nike kompaniyasi tomonidan maxsus ishlangan va cheklangan miqdorda chiqarilgan butsalarda maydonga tushadi, deb xabar bermoqda Mirror.
“Lester”ning chempionligiga hissa qo‘shgan Vardi va Mahrez bo‘lajak o‘yinda VAHREZ Nike iD Hypervenom Phantom II yoki qisqacha VAHREZ nomli butsalarda maydonga tushadi.
Joriy mavsumda Jeymi Vardi Angliya chempionatining 35 o‘yinida 24 ta gol va 6 ta uzatmaga mualliflik qildi. Riyad Mahrez APLning 36 uchrashuvida raqiblar darvozasini 17 marta ishg‘ol qilib, 11 ta golga assistentlik qilgan.
Izoh (0)