2016-yilning aprel oyida Toshkent shahridagi xonadonlar ijarasining o‘rtacha narxlari mart oyi bilan solishtirilganda 3,2% ga arzonlashdi va 1 kvadrat metr uchun ijara qiymati 6,0 shartli birlikni tashkil eta boshladi.
Aprel oyida kvartiralarning ijara haqi Toshkent shahrining deyarli barcha tumanlarida pasaydi. Xususan, Mirzo Ulug‘bek, Olmazor, va Yakkasaroy tumanlarida ijara haqining pasayish suratlari yuqori bo‘ldi.
Toshkent shahri bo‘yicha ijaraga beriladigan eng qimmat xonadonlar Mirobod tumanida joylashgan bo‘lib, ushbu hududda 1 kv.m uchun ijara narxi aprel oyida deyarli o‘zgarmay, 7,3 sh.b. ni tashkil etdi. Ijaraga beriladigan eng arzon kvartiralar esa Toshkent shahrining Sirg‘ali va Bektemir tumanida joylashgan bo‘lib, mazkur hududda kvartiralar ijarasining o‘rtacha haqi 1 kv.m uchun 3,6 sh.b. ni tashkil etmoqda.
Shuni ta’kidlash joizki, tuman doirasidagi narxlarda ham ancha sezilarli tafovutlar mavjud. Xususan, ijaraga berish uchun taklif etilayotgan xonadonlarning eng qimmatlari Toshkent shahrining Taras Shevchenko va Nukus ko‘chalarida hamda Markaziy univermag va Oybek metrosi atroflarida joylashgan.
Shuningdek, ijaraga berilayotgan xonadonlar soni bo‘yicha Mirobod va Mirzo Ulug‘bek tumanlari yetakchilik qilmoqda, mazkur tumanlar Toshkent shahridagi jami ijaraga berilayotgan xonadonlar bo‘yicha taklifning 58 foizini tashkil etmoqda. O‘z navbatida, ijaraga berilayotgan xonadonlarning keyingi o‘rinlari Yunosobod va Yakkasaroy tumanlariga to‘g‘ri keladi va ular jami taklifning 16 va 11 foizini tashkil qilmoqda.
Talab nuqtai nazarida, Toshkent shahrida ikki va uch xonali kvartiralarga qiziqish katta bo‘lib, ular jami talabning 59 foizini tashkil etadi.
Toshkent shahrida ijaraga berilayotgan xonadonlarning o‘rtacha narxi: 1 xonali kavrtiralar uchun 226 sh.b., 2 xonalilari uchun 333 sh.b. va 3 xonalilari uchun 492 sh.b. ni tashkil etdi.
Ba’zi tumanlar bo‘yicha kvartiralar ijara narxlari (sh.b. da ko‘rsatilgan)
| 1 xona | 2 xona | 3 xona | |
|---|---|---|---|
| Mirobod | 298 | 422 | 637 |
| Yakkasaroy | 248 | 338 | 588 |
| Mirzo Ulug‘bek | 225 | 321 | 421 |
| Shayxontohur | 178 | 281 | 468 |
| Yunusobod | 210 | 307 | 439 |
| Yashnobod | 145 | 280 | 354 |
| Olmazor | 140 | 155 | 330 |
| Chilonzor | 205 | 226 | 258 |
| Toshkent shahri bo‘yicha o‘rtacha narx | 226 | 333 | 492 |
Ijaraga qo‘yilgan kvartiralar boyicha to‘laroq ma’lumotga ega bo‘lmoqchi bo‘lsangiz http://uybor.uz/ru/arenda ga kirishingiz mumkin.
Ushbu ma’lumotlar “UyBor.uz” portalida ijaraga berilayotgan takliflarning o‘rtacha narx ko‘rsatkichlari asosida tayyorlangan. “UyBor.uz” va / yoki “Daryo” nashri ma’muriyati ushbu hisobot asosida qabul qilingan qarorlar uchun javobgar emas. Ko‘chmas mulk ijarasi masalasida professional maslahatga ega bo‘lish uchun Ko‘chmas mulk agentliklariga murojaat eting.
Reklama huquqi asosida
Izoh (0)