2016 йилнинг апрель ойида Тошкент шаҳридаги хонадонлар ижарасининг ўртача нархлари март ойи билан солиштирилганда 3,2% га арзонлашди ва 1 квадрат метр учун ижара қиймати 6,0 шартли бирликни ташкил эта бошлади.
Апрель ойида квартираларнинг ижара ҳақи Тошкент шаҳрининг деярли барча туманларида пасайди. Хусусан, Мирзо Улуғбек, Олмазор, ва Яккасарой туманларида ижара ҳақининг пасайиш суратлари юқори бўлди.
Тошкент шаҳри бўйича ижарага бериладиган энг қиммат хонадонлар Миробод туманида жойлашган бўлиб, ушбу ҳудудда 1 кв.м учун ижара нархи апрель ойида деярли ўзгармай, 7,3 ш.б. ни ташкил этди. Ижарага бериладиган энг арзон квартиралар эса Тошкент шаҳрининг Сирғали ва Бектемир туманида жойлашган бўлиб, мазкур ҳудудда квартиралар ижарасининг ўртача ҳақи 1 кв.м учун 3,6 ш.б. ни ташкил этмоқда.
Шуни таъкидлаш жоизки, туман доирасидаги нархларда ҳам анча сезиларли тафовутлар мавжуд. Хусусан, ижарага бериш учун таклиф этилаётган хонадонларнинг энг қимматлари Тошкент шаҳрининг Тарас Шевченко ва Нукус кўчаларида ҳамда Марказий универмаг ва Ойбек метроси атрофларида жойлашган.
Шунингдек, ижарага берилаётган хонадонлар сони бўйича Миробод ва Мирзо Улуғбек туманлари етакчилик қилмоқда, мазкур туманлар Тошкент шаҳридаги жами ижарага берилаётган хонадонлар бўйича таклифнинг 58 фоизини ташкил этмоқда. Ўз навбатида, ижарага берилаётган хонадонларнинг кейинги ўринлари Юнособод ва Яккасарой туманларига тўғри келади ва улар жами таклифнинг 16 ва 11 фоизини ташкил қилмоқда.
Талаб нуқтаи назарида, Тошкент шаҳрида икки ва уч хонали квартираларга қизиқиш катта бўлиб, улар жами талабнинг 59 фоизини ташкил этади.
Тошкент шаҳрида ижарага берилаётган хонадонларнинг ўртача нархи: 1 хонали кавртиралар учун 226 ш.б., 2 хоналилари учун 333 ш.б. ва 3 хоналилари учун 492 ш.б. ни ташкил этди.
Баъзи туманлар бўйича квартиралар ижара нархлари (ш.б. да кўрсатилган)
| 1 хона | 2 хона | 3 хона | |
|---|---|---|---|
| Миробод | 298 | 422 | 637 |
| Яккасарой | 248 | 338 | 588 |
| Мирзо Улуғбек | 225 | 321 | 421 |
| Шайхонтоҳур | 178 | 281 | 468 |
| Юнусобод | 210 | 307 | 439 |
| Яшнобод | 145 | 280 | 354 |
| Олмазор | 140 | 155 | 330 |
| Чилонзор | 205 | 226 | 258 |
| Тошкент шаҳри бўйича ўртача нарх | 226 | 333 | 492 |
Ижарага қўйилган квартиралар бойича тўлароқ маълумотга эга бўлмоқчи бўлсангиз http://uybor.uz/ru/arenda га киришингиз мумкин.
Ушбу маълумотлар «UyBor.uz» порталида ижарага берилаётган таклифларнинг ўртача нарх кўрсаткичлари асосида тайёрланган. «UyBor.uz» ва / ёки «Дарё» нашри маъмурияти ушбу ҳисобот асосида қабул қилинган қарорлар учун жавобгар эмас. Кўчмас мулк ижараси масаласида профессионал маслаҳатга эга бўлиш учун Кўчмас мулк агентликларига мурожаат этинг.
Реклама ҳуқуқи асосида
Изоҳ (0)