O‘zbekistonning aksariyat hududlarida 11-may, chorshanba kuni havo harorati +30 darajagacha iliq bo‘ladi. Bu haqda “O‘zgidromet” markazi xabar bermoqda.
11-may kuni kunduzi O‘zbekistonning tog‘li hududlarida havo harorati +15...+20 daraja, Farg‘ona vodiysi viloyatlarida +21...+26 daraja, Toshkent shahrida +26...+28 daraja, mamlakatning qolgan hududlarida esa +30 darajagacha iliq bo‘lishi kutilmoqda.
Xabar berishlaricha, 11-may kuni O‘zbekistonning tog‘li hududlarida, shuningdek, Samarqand, Qashqadaryo, Surxondaryo, Andijon, Namangan va Farg‘ona viloyatlarida vaqti-vaqti bilan yomg‘ir yog‘ishi, momaqaldiroq bo‘lishi, momaqaldiroq vaqtida shamolning tezligi soniyasiga 20 metrgacha kuchayishi mumkin.
Izoh (0)