Futbol bo‘yicha Angliya Premyer-ligasida 35-turning qoldirilgan o‘yini bo‘lib o‘tib, unda “Manchester Yunayted Londonda “Vest Hem”ni mag‘lub eta olmadi.
Mazkur bellashuvdagi g‘alaba “Manchester Yunayted”ni kuchli to‘rtlikka olib kirishi mumkin edi. Biroq Lui Van Gal jamoasi buning uddasidan chiqa olmadi. 37-turdan keyin “Manchester Siti” 65 ochko bilan 4-o‘rinni egallab turgan bo‘lsa, “Manchester Yunayted” hisobida 63 ochko mavjud.
So‘nggi turni “Manchester Yunayted” o‘z maydonida “Bornmut”ga qarshi o‘tkazadi. Londondagi mag‘lubiyatidan keyin klub “Arsenal”dan o‘zib ketish va 3-o‘rinni qo‘lga kiritish imkoniyatini qo‘ldan boy berdi. Biroq 4-o‘rinni egallash uchun umid saqlanib turibdi. Ma’lumot uchun, “Manchester Siti” so‘nggi turni Uelsda “Suonsi”ga qarshi o‘tkazadi.
3-pog‘onada borayotgan “Arsenal” 68 ochko jamg‘argani inobatga olinsa, “Manchester Siti”da 3-o‘rinni egallash uchun imkoniyat saqlanib turibdi. Qayd etish kerak, “Arsenal” so‘nggi turda liga bilan xayrlashgan “Aston Villa”ni qabul qiladi.
O‘z-o‘zidan “Arsenal” 70 ochkosi bor bo‘lgan “Tottenhem”dan o‘zib ketishi ham mumkin. “Tottenhem” so‘nggi turni ligada jon saqlab qolish uchun kurash olib borayotgan Rafael Benites boshqaruvidagi “Nyukasl” maydonida o‘tkazadi. “Yunayted”ning mag‘lubiyati “Arsenal”ni rasman Yevropa Chempionlar Ligasi ishtirokchisiga aylantirdi.
Ma’lumot uchun, Slaven Bilich boshchilik qilayotgan “Vest Hem” joriy mavsum avallida chempion bo‘lishi tahmin qilingan “Arsenal”, “Liverpul”, “Manchester Siti”, “Manchester Yunayted”, “Chelsi” kabi klublarga qarshi o‘yinlarda biror marta ham mag‘lubiyatga uchramadi va o‘zaro uchrashuvlarda eng kamida 4 ochko ishlab oldi.
Angliya Premyer-ligasi 35-turning qoldirilgan o‘yini 10-may, chorshanba
Izoh (0)