Футбол бўйича Англия Премьер-лигасида 35-турнинг қолдирилган ўйини бўлиб ўтиб, унда «Манчестер Юнайтед Лондонда «Вест Ҳэм»ни мағлуб эта олмади.
Мазкур беллашувдаги ғалаба «Манчестер Юнайтед»ни кучли тўртликка олиб кириши мумкин эди. Бироқ Луи Ван Гал жамоаси бунинг уддасидан чиқа олмади. 37-турдан кейин «Манчестер Сити» 65 очко билан 4-ўринни эгаллаб турган бўлса, «Манчестер Юнайтед» ҳисобида 63 очко мавжуд.
Сўнгги турни «Манчестер Юнайтед» ўз майдонида «Борнмут»га қарши ўтказади. Лондондаги мағлубиятидан кейин клуб «Арсенал»дан ўзиб кетиш ва 3-ўринни қўлга киритиш имкониятини қўлдан бой берди. Бироқ 4-ўринни эгаллаш учун умид сақланиб турибди. Маълумот учун, «Манчестер Сити» сўнгги турни Уэльсда «Суонси»га қарши ўтказади.
3-поғонада бораётган «Арсенал» 68 очко жамғаргани инобатга олинса, «Манчестер Сити»да 3-ўринни эгаллаш учун имконият сақланиб турибди. Қайд этиш керак, «Арсенал» сўнгги турда лига билан хайрлашган «Астон Вилла»ни қабул қилади.
Ўз-ўзидан «Арсенал» 70 очкоси бор бўлган «Тоттенҳэм»дан ўзиб кетиши ҳам мумкин. «Тоттенҳэм» сўнгги турни лигада жон сақлаб қолиш учун кураш олиб бораётган Рафаэль Бенитес бошқарувидаги «Ньюкасл» майдонида ўтказади. «Юнайтед»нинг мағлубияти «Арсенал»ни расман Европа Чемпионлар Лигаси иштирокчисига айлантирди.
Маълумот учун, Славен Билич бошчилик қилаётган «Вест Ҳэм» жорий мавсум аваллида чемпион бўлиши таҳмин қилинган «Арсенал», «Ливерпуль», «Манчестер Сити», «Манчестер Юнайтед», «Челси» каби клубларга қарши ўйинларда бирор марта ҳам мағлубиятга учрамади ва ўзаро учрашувларда энг камида 4 очко ишлаб олди.
Англия Премьер-лигаси 35-турнинг қолдирилган ўйини 10 май, чоршанба
Изоҳ (0)