Qoraqalpog‘iston Respublikasi, Xorazm, Buxoro va Navoiy viloyatlarida 10-may kuni yog‘ingarchilik kutilmaydi. Bu haqda “O‘zgidromet” markazi xabar bermoqda.
10-mayga o‘tar kechasi O‘zbekistonning tog‘li hududlarida havo harorati +5...+10 daraja, Toshkent shahrida +13...+15 daraja iliq bo‘ladi. Mamlakatning qolgan hududlarida kechasi havo harorati +17 darajadan +23 darajagacha o‘zgarib turadi.
10-may kuni kunduzi O‘zbekistonning tog‘li hududlarida havo harorati +12...+17 daraja iliq bo‘ladi. Farg‘ona vodiysi viloyatlari va Toshkent shahrida havo harorati +28 darajagacha, Qashqadaryo va Surxondaryoda +32 darajagacha, qolgan hududlarda esa +30 darajagacha iliq bo‘lishi kutilmoqda.
Mamlakatning tog‘li hududlarida, shuningdek, Toshkent, Samarqand, Jizzax, Sirdaryo, Andijon, Namangan, Farg‘ona, Qashqadaryo, Surxondaryo viloyatlari va Toshkent shahrida 10-may kuni vaqti-vaqti bilan yomg‘ir yog‘ishi, momaqaldiroq bo‘lishi, momaqaldiroq vaqtida shamolning tezligi kuchayishi kutilmoqda.
Eslatib o‘tamiz, Toshkent shahrida 9-mayga o‘tar kechasi kuzatilgan kuchli shamol natijasida daraxtlar va ustunlar qo‘porilgan, natijada avtomobillar va turli inshootlarga zarar yetgan edi.
Izoh (0)