Қорақалпоғистон Республикаси, Хоразм, Бухоро ва Навоий вилоятларида 10 май куни ёғингарчилик кутилмайди. Бу ҳақда «Ўзгидромет» маркази хабар бермоқда.
10 майга ўтар кечаси Ўзбекистоннинг тоғли ҳудудларида ҳаво ҳарорати +5...+10 даража, Тошкент шаҳрида +13...+15 даража илиқ бўлади. Мамлакатнинг қолган ҳудудларида кечаси ҳаво ҳарорати +17 даражадан +23 даражагача ўзгариб туради.
10 май куни кундузи Ўзбекистоннинг тоғли ҳудудларида ҳаво ҳарорати +12...+17 даража илиқ бўлади. Фарғона водийси вилоятлари ва Тошкент шаҳрида ҳаво ҳарорати +28 даражагача, Қашқадарё ва Сурхондарёда +32 даражагача, қолган ҳудудларда эса +30 даражагача илиқ бўлиши кутилмоқда.
Мамлакатнинг тоғли ҳудудларида, шунингдек, Тошкент, Самарқанд, Жиззах, Сирдарё, Андижон, Наманган, Фарғона, Қашқадарё, Сурхондарё вилоятлари ва Тошкент шаҳрида 10 май куни вақти-вақти билан ёмғир ёғиши, момақалдироқ бўлиши, момақалдироқ вақтида шамолнинг тезлиги кучайиши кутилмоқда.
Эслатиб ўтамиз, Тошкент шаҳрида 9 майга ўтар кечаси кузатилган кучли шамол натижасида дарахтлар ва устунлар қўпорилган, натижада автомобиллар ва турли иншоотларга зарар етган эди.
Изоҳ (0)