Pentagon Suriyadagi yarashuv bilan bog‘liq vaziyat bo‘yicha Davlat departamentiga konsultatsiya beradi

Pentagon vakillari Davlat departamenti diplomatlariga Suriyada jangovar harakatlarni to‘xtatish rejimi bilan bog‘liq vaziyat bo‘yicha konsultatsiya beradi. Bu haqda AQSh mudofaa vazirligi matbuot kotibi Piter Kuk ma’lum qildi, deb yozadi “TASS”.

“Albatta, Suriyada inqirozni tartibga solish bo‘yicha muzokaralar bilan shug‘ullanayotgan Davlat departamentiga konsultatsiya beramiz va ma’lumotlar taqdim etamiz, — dedi u. — Bu yerda biz maslahatchi sifatida qatnashamiz, muzokaralar nuqtai nazaridan esa, bosh rolni davlat kotibi Jon Kerri bajaradi”.

Kukning so‘zlariga ko‘ra, Pentagon Suriyada jangovar harakatlar to‘xtatilishi rejimiga rioya qilinishi ustidan diqqat bilan kuzatuv olib boradi.