Braziliya prezidenti Dilma Russeff unga nisbatan impichment jarayoni boshlanishi haqidagi qarorga shikoyat bildiradi, chunki buning tashabbuskorlaridan bo‘lgan parlament quyi palatasi spikeri Eduardu Kunya lavozimidan vaqtincha chetlatilgan va deputatlik vakolatlaridan mahrum etilgan. Bu haqda sudda mamlakat yetakchisi manfaatlarini himoya qilayotgan bosh davlat himoyachisi Joze Eduardu Kardozu ma’lum qildi, deya xabar beradi “TASS”.
“Biz tegishli so‘rov bilan murojaat etamiz. Eduardu Kunya impichment masalasida vakolatlarini oshirib yuborgani va o‘zining manfaatlaridan kelib chiqib harakat qilganiga shubha yo‘q”, — deya ta’kidlagan advokat.
Russeff tarafdorlariga ko‘ra, spiker davlat rahbarini lavozimidan chetlatish jarayonini boshlash haqidagi qarorni undan o‘ch olish maqsadida qabul qilgan: prezident va hukmron mehnatkashlar partiyasi Kunyaga nisbatan aksilkorrupsiyaviy tekshiruv boshlangach, uni qo‘llab-quvvatlashdan bosh tortgandi.
Izoh (0)