Boks bo‘yicha superog‘ir vazn toifasida WBA, WBO va IBO versiyalarining jahon chempioni, britaniyalik Tayson Fyuri OAV vakillari bilan o‘zgacha formatda suhbatlashdi. Fyuri o‘ziga savol berib, o‘zi javob qaytardi, deb xabar qilmoqda “Korrespondent.net”.
“Vladimir Klichko revansh jangida boshqacha harakat qiladimi? Bilmayman va bu meni qiziqtirmaydi. Men boshqacha harakat qilamanmi? Buni ham bilmayman va bu haqda o‘ylamayapman. Mashg‘ulotlar o‘tayapmanmi? Ha. Bo‘lajak jang yaxshi bo‘ladimi? Bunga pul tiksangiz ham bo‘ladi. Kimdir nokautga uchraydimi? Ha, umid qilamanki bu men bo‘laman”, – dedi Tayson Fyuri.
Qayd etish joiz, 27-aprel kuni Tayson Fyuri va ukrainalik Vladimir Klichko jangi oldidan Manchesterda o‘tkazilgan matbuot anjumanida Klichko Deontey Uaylder (AQSh), Entoni Joshua (AQSh) va Tayson Fyuriga ringda kim xo‘jayinligini ko‘rsatib qo‘ymoqchi ekanini ta’kidlagan.
Eslatib o‘tamiz, Fyuri–Klichko o‘rtasidagi revansh jangi 9-iyul kuni Manchester shahrida bo‘lib o‘tadi. Bokschilar o‘rtasidagi dastlabki jangda hakamlarning yakdil qaroriga ko‘ra britaniyalik bokschi g‘alaba qozongan edi.
Izoh (0)