“Barselona” 8 ta gol farqi bilan g‘alaba qozongan o‘yinda Suares Ronalduga deyarli yetib oldi

Futbol bo‘yicha Ispaniya La Ligasining 34-turida “Barselona” 8:0 hisobida muvaffaqiyat qozondi. La-Korunyada “Deportivo” mehmoni bo‘lgan Kataloniya klubi ketma-ket to‘rt muvaffaqiyatsiz uchrashuvdan keyin mavsumdagi eng yirik g‘alabasini qo‘lga kiritdi.

Bunga qadar “Barselona”ning mavsumdagi eng yirik g‘alabasi Ispaniya Kubogi doirasida “Valensiya”ni 7:0 hisobida mag‘lub etgani bo‘lib turgandi. So‘nggi turda aynan “Valensiya”dan mag‘lubiyat qabul qilib olingach, Luis Enrike jamoasi 34-turda “Deportivo”ni ayab o‘tirmadi.

8 ta golning 4 tasiga urugvaylik hujumchi Luis Suares mualliflik qildi. Futbolchi pokerdan tashqari Messi, Rakitich hamda Neymarga golli uzatmani amalga oshirdi.

34-turdan keyin Luis Suares to‘purarlar poygasida 30 ta gol bilan Krishtianu Ronaldudan keyin ikkinchi bo‘lib turibdi. “Real” a’zosining hisobida 31 ta muvaffaqiyatli zarba bor.

Mazkur g‘alabasidan keyin “Barselona” ochkolari sonini 79 taga yetkazib, turnir jadvalida yakka peshqadamga aylandi. “Atletiko”da 76, “Real”da 75 ochko bor.

Ispaniya La Ligasi 34-tur bellashuvlari 19 aprel, seshanba

“Espanyol” — “Selta” 1:1

“Betis” — “Las-Palmas” 1:0

20-aprel, chorshanba

“Deportivo” — “Barselona” 0:8

“Atletik” — “Atletiko”“Valensiya” — “Eybar”“Malaga” — “Rayo Valyekano”“Sporting” — “Sevilya”“Real Madrid” — “Vilyarreal”

21-aprel, payshanba“Real Sosyedad” — “Xetafe”“Granada” — “Levante”