Футбол бўйича Испания Ла Лигасининг 34-турида «Барселона» 8:0 ҳисобида муваффақият қозонди. Ла-Коруньяда «Депортиво» меҳмони бўлган Каталония клуби кетма-кет тўрт муваффақиятсиз учрашувдан кейин мавсумдаги энг йирик ғалабасини қўлга киритди.
Бунга қадар «Барселона»нинг мавсумдаги энг йирик ғалабаси Испания Кубоги доирасида «Валенсия»ни 7:0 ҳисобида мағлуб этгани бўлиб турганди. Сўнгги турда айнан «Валенсия»дан мағлубият қабул қилиб олингач, Луис Энрике жамоаси 34-турда «Депортиво»ни аяб ўтирмади.
8 та голнинг 4 тасига уругвайлик ҳужумчи Луис Суарес муаллифлик қилди. Футболчи покердан ташқари Месси, Ракитич ҳамда Неймарга голли узатмани амалга оширди.
34-турдан кейин Луис Суарес тўпурарлар пойгасида 30 та гол билан Криштиану Роналдудан кейин иккинчи бўлиб турибди. «Реал» аъзосининг ҳисобида 31 та муваффақиятли зарба бор.
Мазкур ғалабасидан кейин «Барселона» очколари сонини 79 тага етказиб, турнир жадвалида якка пешқадамга айланди. «Атлетико»да 76, «Реал»да 75 очко бор.
Испания Ла Лигаси 34-тур беллашувлари 19 апрель, сешанба
«Эспаньол» — «Сельта» 1:1
Голлар: Яго Аспас, 28 (0:1). Марко Асенсио, 39 (1:1).«Бетис» — «Лас-Пальмас» 1:0
Гол: Рики ван Волфсвинкел, 83 (1:0).Четлатиш: Айтами, 41 (Л).20 апрель, чоршанба
«Депортиво» — «Барселона» 0:8
Голлар: Луис Суарес, 11 (0:1). Луис Суарес, 24 (0:2). Иван Ракитич, 47 (0:3). Луис Суарес, 53 (0:4). Луис Суарес, 64 (0:5). Лионель Месси, 73 (0:6). Марк Бартра, 79 (0:7). Неймар, 81 (0:8).«Барселона»: Клаудио Браво, Дани Алвес, Хорди Альба (Адриано Коррея, 70), Марк Бартра, Серхио Бускетс (Рафинья, 71), Хавьер Макерано, Иван Ракитич, Андрес Иньеста (Серхи Роберто, 59), Луис Суарес, Лионель Месси, Неймар.«Атлетик» — «Атлетико»«Валенсия» — «Эйбар»«Малага» — «Райо Вальекано»«Спортинг» — «Севилья»«Реал Мадрид» — «Вильярреал»
21 апрель, пайшанба«Реал Сосьедад» — «Хетафе»«Гранада» — «Леванте»
Изоҳ (0)