2016-yilning 12—13-aprelida Ostona shahrida “O‘zstandart” agentligi, “O‘zavtosanoat” AK va JV MAN Auto-Uzbekistan MChJ QK vakillaridan tashkil topgan ishchi guruh Qozog‘iston Respublikasining Texnik tartibga solish va metrologiya qo‘mitasi rahbariyati va mutaxassislari bilan uchrashdi. Bu haqda “Review.uz” xabar bermoqda.
O‘zbekiston va Qozog‘iston ekspertlari transport vositalarini standartlashtirish masalalarini muhokama qildi. O‘zbekiston tomoni 1992-yil 13-martdagi Standartlashtirish, metrologiya va sertifikatlashtirish sohasida muvofiqlashtirilgan siyosat olib borish to‘g‘risidagi bitim doirasida avtotransport vositalari uchun muvofiqlik sertifikatlarini tan olish, shuningdek, JV MAN Auto-Uzbekistan MChJ qo‘shma korxonasining katta yukli avtotransport vositalari (samosval — ag‘darma mashina)ni seriyali ishlab chiqarish uchun ruxsat olish masalalari ko‘tarildi.
Ushbu masala muhokama qilinib, natijada Qozog‘iston Respublikasining Texnik tartibga solish va metrologiya qo‘mitasi raisi o‘rinbosari tomonidan “JV MAN Auto-Uzbekistan MChJ QK og‘ir yuk ko‘taradigan avtotransport vositalari (samosvallar)ni seriyali ishlab chiqarish uchun ularning turini tasdiqlash haqida” sertifikat berildi. Bu Yevrosiyo iqtisodiy ittifoqi mamlakatlari bozoriga chiqish imkoniyatini beradi.
Izoh (0)