2016 йилнинг 12—13 апрелида Остона шаҳрида «Ўзстандарт» агентлиги, «Ўзавтосаноат» АК ва JV MAN Auto-Uzbekistan МЧЖ ҚК вакилларидан ташкил топган ишчи гуруҳ Қозоғистон Республикасининг Техник тартибга солиш ва метрология қўмитаси раҳбарияти ва мутахассислари билан учрашди. Бу ҳақда «Review.uz» хабар бермоқда.
Ўзбекистон ва Қозоғистон экспертлари транспорт воситаларини стандартлаштириш масалаларини муҳокама қилди. Ўзбекистон томони 1992 йил 13 мартдаги Стандартлаштириш, метрология ва сертификатлаштириш соҳасида мувофиқлаштирилган сиёсат олиб бориш тўғрисидаги битим доирасида автотранспорт воситалари учун мувофиқлик сертификатларини тан олиш, шунингдек, JV MAN Auto-Uzbekistan МЧЖ қўшма корхонасининг катта юкли автотранспорт воситалари (самосвал — ағдарма машина)ни серияли ишлаб чиқариш учун рухсат олиш масалалари кўтарилди.
Ушбу масала муҳокама қилиниб, натижада Қозоғистон Республикасининг Техник тартибга солиш ва метрология қўмитаси раиси ўринбосари томонидан «JV MAN Auto-Uzbekistan МЧЖ ҚК оғир юк кўтарадиган автотранспорт воситалари (самосваллар)ни серияли ишлаб чиқариш учун уларнинг турини тасдиқлаш ҳақида» сертификат берилди. Бу Евросиё иқтисодий иттифоқи мамлакатлари бозорига чиқиш имкониятини беради.
Изоҳ (0)