Tailandda yuk avtomobili bilan poyezdning to‘qnashib ketishi oqibatida 1 kishi halok bo‘ldi

Tailandda poyezdning yuk mashinasi bilan to‘qnashib ketishi oqibatida bir kishi halok bo‘ldi. Bundan tashqari, bir necha kishiga shikast yetdi, deb xabar beradi “RBK”.

Avariya 19-aprel, seshanba kuni mahalliy vaqt bo‘yicha 6:25 da yuz bergan. Guvohlarning so‘zlariga qaraganda, poyezd temir yo‘lning kesib o‘tiladigan joyidan o‘tayotganda yuk mashinasi uning vagonlaridan biriga urilgan. To‘qnashuv oqibatida bir nechta vagon relslardan chiqib ketgan.

Yuk mashinasining haydovchisi hodisa joyida halok bo‘lgan. Sakkiz nafar yo‘lovchi jabrlangan.

Avariya yuz bergan temir yo‘l tarmog‘ida poyezdlar harakati vaqtincha to‘xtatilgan.